ဦးလေးရဲ့ မျက်နှာကို ကြည့်ရတာ အရင်ကလို ဟက်ဟက်ပက်ပက် မရှိပါဘူး။ သူဟာ အင်မတန် ပျော်တတ်တဲ့ လူပါ။ အရင်ကလည်း စင်္ကာပူ လာလည်နေကျ။ လာရင်လည်း တစ်နေကုန် လွှတ် လျှောက်လည်နေတော့တာ။ ခုလည်း သူ့ရောဂါ အကြောင်း သိရတော့ သူ့ခမျာ မရွှင်မလန်းနိုင်တော့ပါဘူး။ တစ်နေ့ကမှ ကင်ဆာဆေး တစ်လုံး သွင်းထားလေရဲ့။ ဆေးအရှိန်ကြောင့် လူက အတော်ကို ခံရပါတယ်။ ဆံပင်တွေ ဘာတွေ မကျွတ်သေးပေမယ့် လမ်းလျှောက်ရင်တောင် ယိုင်နေပါတယ်။ အသက်လည်း အဲ့လောက် မကြီးသေးပါဘူး။ ၅၈ နှစ်လောက်သာ ရှိပါသေးတယ်။ သမီးအငယ်ဆုံးလေးဆိုရင် ခုမှ အထက်တန်း တက်မှာပါ။ CNY eve အဒေါ်အိမ် ရောက်သွားတဲ့ ကျွန်မ အဲ့ဦးလေး မိသားစုနဲ့ တွေ့လိုက်ရပြီး အတော်ကို စိတ်ထဲ မကောင်းပါဘူး။ ဦးလေးရဲ့ အမျိုးသမီးက စကားတွေ ပြောရင်း မျက်ရည်တွေ ကျနေတယ်။ သေခြင်း ရှင်ခြင်းကို ရွေးချယ်ခွင့် မရှိတော့တဲ့ အခြေအနေမျိုးမှာ ကာယကံရှင်ထက် သူ့ရဲ့ အသိုင်းအ၀ိုင်းက ပိုပြီး ထိခိုက်ကြရတယ် ဆိုတာ သိလိုက်ရပါတယ်။
ကင်ဆာက နောက်ဆုံး အဆင့် ၄ ရောက်နေပါပြီ။ ကနဦး အဆင့်ကသာ ကြိုသိခဲ့မယ် ဆိုရင် အမြစ်ပြတ် ပျောက်အောင် ကုသလို့ ရနိုင်ခြေ ရှိပါတယ်၊ အစောပိုင်း ဆေးစစ်တုန်းက ကင်ဆာ အဖြေမပေါ်ခဲ့တာ ကိုယ်တွင်း ဇီဝပြောင်းလဲမှု တွေကြောင့် ဖြစ်နိုင်တယ်လို့ အစ်ကို ဆရာဝန် တစ်ဦးက ပြောပြပါတယ်။ ခုလက်ရှိ အခြေအနေကတော့ နောက်ဆုံး ရလဒ်ကို ကြိုသိနေရက်နဲ့ ရှေ့ဆက်ကြရမယ့် အခြေအနေမျိုးပါပဲ။ လူနာ ကိုယ်တိုင်ရော သူ့မိသားစုပါ အားလျော့ ကုန်ကြပါပြီ။ ရန်ကုန်မှာ ကျန်နေခဲ့တဲ့ သမီးငယ် သားငယ်တွေ ဒီသတင်းကို မသိကြသေးပါဘူး။ ဦးလေးနဲ့ အဒေါ်က နောက်မှ အေးအေးဆေးဆေး ပြောပြတော့မယ်လို့ တွေးထားပါတယ်တဲ့။
နှစ်သစ်ကူးချိန် မင်္ဂလာယူနေကြတဲ့ အချိန်မှာ ဒီလို နမိတ်မရှိ နမာမရှိ အကြောင်းတွေ ဘာလို့ရေးနေတာလဲလို့ မေးချင်သူများအတွက် ဆရာတော်တစ်ဦး မြွက်ကြားခဲ့တဲ့ စကားလေးကို ပြောပြချင်ပါတယ်။ (ဘယ်ဆရာတော်လဲတော့ သေချာမမှတ်မိတော့ပါ။ အရှင် ဆန္ဒာဓိက လို့ ထင်တာပဲ။ စကားလုံး အတိအကျ မမှတ်မိတော့လို့ အဓိပ္ပာယ်တူရုံ ပြောပြပါရစေ။) "လူတွေဟာ သေခြင်းတရားကို အင်မတန် ကြောက်စရာ ကောင်းတဲ့ အ,မင်္ဂလာ အရာကြီး တစ်ခုလို့ သတ်မှတ်ထားကြတယ်။ တကယ်တော့ သေခြင်းတရားကို ရှုမြင်ခြင်းဆိုတာ အလွန် မင်္ဂလာရှိတဲ့ လုပ်ရပ်ဖြစ်တယ်။ လူတိုင်း ခုနေများ၊ မနက်ဖြန်များ ငါသေသွားခဲ့ရင် ဆိုတဲ့ အတွေးမျိုး တွေးရမှာ အင်မတန် ကြောက်တတ်ကြတယ်။ ဒါဟာ မှားယွင်းတဲ့ ယူဆချက်ပဲ။ သေဆုံးခြင်းကို မျက်မှောက်မပြုတဲ့နေ့ဟာ မင်္ဂလာမရှိတဲ့နေ့ပဲ" တဲ့။ ဆရာတော်က အကြောင်းပြချက် ခိုင်ခိုင်လုံလုံနဲ့ ဒီအဆိုကို တင်ပြသွားတာပါ။ ကျွန်မအနေနဲ့ သေခြင်းတရားနဲ့ ပတ်သက်ပြီး ဘာ opinion မှတော့ မရှိပါဘူး။ အဘိုးတွေ အဘွားတွေလို အယူသီးတာ၊ extreme ဖြစ်တာမျိုး မရှိဘူးလို့ ပြောတာပါ။ ကဲ.. ဒါတွေထားပါလေ။
မဆီမဆိုင် အဖေနဲ့ အမေကို သွားသတိရမိပြန်ပါတယ်။ နှစ်ယောက်လုံး ဆီးချို၊ သွေးတိုး ဘာမှ မရှိကြပေမယ့် ဒေါင်ဒေါင်မြည် ကျန်းမာတယ်လို့တော့ မဆိုနိုင်ဘူး။ အဖေက ဆေးလိပ်အရမ်းကြိုက်တယ်။ သူ ၁၀ တန်း အရွယ်လောက်ထဲက သောက်ခဲ့တာ ခု ကျွန်မ ပထမနှစ် တက်မှပဲ ဆေးလိပ်ပြတ်တော့တယ်။ အရင်ကဆို ကွမ်းပါ စားတာ။ ကျွန်မ ငယ်ငယ်က အဖေ့ကို မေးဖူးတယ်။ "ကွမ်းနဲ့ သမီး ဘယ်သူ့ကို ပိုချစ်လဲ" ဆိုပြီး မေးတော့ နောက်ပိုင်း ကွမ်း ပြတ်သွားတော့တာပဲ။ ဟော.. ဆေးလိပ်ကျတော့ အဲ့လို မေးလို့ မရတော့ဘူး။ "ဆေးလိပ်နဲ့ သမီး ဘယ်သူ့ ပိုချစ်လဲ" ဆိုတော့ ဆေးလိပ်တဲ့၊ ကောင်းရော။ ကျွန်မက ဆေးလိပ်သောက်တဲ့ လူဆို အရမ်းမုန်းတာ၊ အဖေလည်း သိတယ်။ သူကိုယ်တိုင်လည်း ဆရာဝန်တစ်ယောက်ပဲ၊ ဆေးလိပ် မကောင်းကြောင်း သိတာပဲ။ ဒါပေမယ့် မပြတ်နိုင်ခဲ့ဘူး။ နောက်ပိုင်း ဆေးလိပ်အရမ်းကြိုက်တဲ့ ဦးလေးတစ်ယောက် အဆုတ်ကင်ဆာနဲ့ ဆုံးပါးသွားတော့မှ အဖေလည်း အတော်တရားကျသွားတယ်နဲ့ တူပါတယ်၊ ဆေးလိပ်ပြတ်သွားတော့တယ်။ ကျွန်မက အဖေ့ကို ပီကယ်တွေ ဘူးလိုက် ၀ယ်ပေးထားတယ်။ အဖေ ဆေးလိပ်သောက်ချင်စိတ် ပေါက်လာရင် ပီကယ် ၀ါးနေလို့ မှာထားတယ်။ အခုတော့ အဖေက ကျွန်မတို့ စကားနားထောင်နေပြီတဲ့ :D ။
အမေ့မှာတော့ အစာအိမ် ရောဂါရှိတယ်။ ကျွန်မက အမေနဲ့ အကုန် တူပါတယ် (အစာအိမ် အားနည်းတာက အစ၊ အသားအရည် ဆံပင်က အဆုံး။ ရုပ်ရည် တစ်ခုကလွဲလို့ပေါ့၊ အမေက ချောတယ်၊ ယဉ်တယ်လေ)။ မနေ့က ကျွန်မ အိမ်နားက နာမည်ကြီး ကွမ်ရင် ဘုရားကျောင်းကို ရောက်ပါတယ်။ တရုတ်နှစ်ဖွားအလိုက် ဒီနှစ်အတွက် ဆောင်ရင် ရှောင်ရန် အရာလေးတွေကို ဟောကိန်းထုတ်ထားပါတယ်။ ကျွန်မအတွက် ကျန်းမာရေး ဟောစာက အစာအိမ် အထူးဂရုပြုရမည်တဲ့။ မှန်ပါ့.. မနက်မိုးလင်းထဲက အစာအိမ်အောင့်နေလို့။ စာဖတ်သူများ သိချင်ရင် တရုတ်မွေးနှစ်ကို ပြောပြထားပါ။ ကျွန်မ သွားရှာဖတ်ပြီး ပို့ပေးပါ့မယ်။
ဒီနှစ်ကူးကတော့ ကျွန်မအတွက် အန်ပေါင်း （红包） မရတဲ့ သာမန် နှစ်သစ်ကူးပါပဲ။ သာမန်မဟုတ်တာကတော့ ပုံမှန် ကျွန်မ မတွေးဖူးတဲ့ အတွေးတွေ နက်နက်ရှိုင်းရှိုင်း တွေးမိလို့ပါ။ ဒါတွေတော့ စာဖတ်သူများကို ပြောမပြတော့ဘူးနော်။ မိတ်ဆွေများ အားလုံးကို ပျော်ရွှင်ဖွယ် နှစ်သစ်ကူးလို့ နှုတ်ဆက်ပါရစေ။
欢迎大地回春。。
新年快乐，恭喜发财，红包拿来 :D
ကြယ်ကြွေချိန်
No comments:
Post a Comment