ဘာရယ်လို့မဟုတ်ပါဘူး။ သောကြာနေ့ဆို ကျွန်တော် အရမ်းပျော်ပါတယ်။ အလိုလို စိတ်တွေလန်းဆန်းနေတယ်။ ဒီ စနေ၊ တနင်္ဂနွေ အတွက် အစီအစဉ် ဇယားတွေ အပြည့်နဲ့ပေါ့။
အရင်အပတ်က သောကြာနေ့တွေဆို ညနေဘက် အတန်းပြီးတိုင်း သူငယ်ချင်း တချို့နဲ့ စကားစမြည်ပြောရင်း အချိန်တွေကုန်လွန်စေခဲ့တာ များတယ်။ ညဘက်တွေဆို ရုပ်ရှင် ကောင်းကောင်း တစ်ကားလောက် အခန်းဖော်နဲ့ တူတူကြည့်ဖြစ်တယ်လေ။
ဒီနေ့ သောကြာနေ့ကတော့ ရှယ်ကို အလုပ်များပါတယ်။ ကျောင်း အလုပ်၊ အဆောင်အလုပ်တွေနဲ့ တစ်နေ့လုံး အချိန်ကုန်မှန်းမသိ ကုန်ခဲ့တာ၊ ခုမှ ပဲ တချို့တ၀က်ပြီးပါတယ်။ ပြီးတာနဲ့ ကျွန်တော် ဒီတစ်ပတ်လုံး ၀င်မစစ်မိခဲ့တဲ့ ကျွန်တော့် blog လေးကို လာ update တာပါ။
မနက်ဖြန် စနေနေ့ ကတော့ တစ်နေကုန် ကျောင်းမှာ ပိတ်မိနေအုန်းမှာပါပဲ။ တနင်္ဂနွေကတော့ တစ်နေကုန် project execution ပါ။ တစ်ခါတလေ စိတ်ဖိစီးမှု များတာက လွဲလို့ ကျောင်းမှာနေရတာ ကျွန်တော် ပျော်ပါတယ်။ ကျောင်းမှာနေရရင်ကိုပဲ ကျွန်တော့်စိတ်ထဲမှာ နွေးထွေးမှု တစ်မျိုးရှိပါတယ်။
ဒီသောကြာနေ့ကတော့ အရင် သောကြာတွေနဲ့ မတူ ၊ တမူ ထူးခြားပါတယ်။ ကျွန်တော် တစ်ခါမှ မလုပ်ဖူး၊ တွေးတောင် မတွေးဖူးခဲ့တဲ့ အလုပ်တစ်ခုကို သူငယ်ချင်းတွေနဲ့ အတူ လုပ်ခဲ့ရလို့ အမှတ်တရ တစ်ခုပါပဲ။ ကျွန်တော် တစ်နေ့လုံး ခြေတိုအောင် လျှောက်သွားနေရလို့ လူပင်ပန်းခဲ့ပေမယ့် စိတ်တော့ မပင်ပန်းခဲ့ဘူးလေ။ ကျွန်တော့်သူငယ်ချင်းတွေလည်း ကျွန်တော်နဲ့ထပ်တူ စိတ်ကျေနပ်မှု ရရှိလိမ့်မယ်လို့ မျှော်လင့်လျက်...
ကြယ်ကြွေချိန်
No comments:
Post a Comment