ကျဆုံးမှုတွေနဲ့ ရင်ဆိုင်ရလို့ စိတ်ဓာတ်ကျနေပြီလား ...
တာဝန်ဝတ္တရားတွေ အရမ်းများလို့ စိတ်ပင်ပန်းနေပြီလား ...
ချစ်သူက ထားရစ်ခဲ့လို့ ကိုယ့်ကိုယ်ကို စိတ်ကုန်နေပြီလား ...
ဘာအကြောင်းကြောင့်ပဲဖြစ်ဖြစ်...
ဘယ်လိုအခြေအနေမျိုးပဲ ကြုံရပါစေ...
မင်း မှတ်ထားရမှာက
မင်း ဘ၀ ခုမှစတာ။
မင်း ရှေ့ဘ၀ တက်လမ်း အရှည်ကြီး ရှိသေးတယ်
မင်း ဒီလောက်လေးနဲ့ စိတ်ပျော့ညံ့နေရင် ဘယ်လို ရှေ့ဆက်မှာလဲ။
ကျဆုံးတယ်ဆိုတာ အောင်မြင်ခြင်းရဲ့ အနီးဆုံးအမှတ်ပဲ
ဘုရားသခင်က ပေးတဲ့ တဒင်္ဂတာ အကြိုအောင်မြင်ခြင်းလို့ပဲ အောက်မေ့ပါ။
တာဝန်ဝတ္တရားတွေဟာ ဘယ်တော့မှ မပြီးဆုံးနိုင်ဘူးလို့ မင်းညည်းကောင်းညည်းနေမယ်
ဒါတွေဟာ နောင်တစ်ချိန် ဘယ်တော့မှ ပြန်လုပ်ခွင့် မရနိုင်တော့မယ့် ကောင်းချီးတွေလို့ပဲ ထင်မှတ်ပါ။
ချစ်သူက ထားခဲ့လို့ စိတ်ဓာတ်အကျကြီး ကျတယ်ဆိုတာ အင်မတန်ကို ကလေးဆန်ပါတယ်
မင်းကို ထားခဲ့တဲ့ချစ်သူကို မင်း မုဒိတာပွားနိုင်တဲ့ တစ်နေ့ မင်းတကယ် ရင့်ကျက်ပြီ။
ဒီတော့...
ကိုယ့်ပတ်ဝန်းကျင်က အရာတွေအပေါ် ဘာကိုမှ အစွဲအလမ်း မထားဘဲနဲ့ ရှေ့ဆက်ပါ။
လုပ်စရာရှိတာတွေကို အကောင်းဆုံး (ကိုယ်အတတ်နိုင်ဆုံး) အမြဲလုပ်ပါ။
မင်းအစွမ်းကုန် ကြိုးစားခဲ့တဲ့အတွက် ရလဒ်တွေက မင်းကို စိတ်ကျေနပ်မှု ရစေလိမ့်မယ်။
ကိုယ် စိတ်ထိခိုက်စေမယ့် အရာတွေကို ဘယ်တော့မှ မတွေးပါနဲ့၊ မလုပ်ပါနဲ့၊
ဒီအရာတွေက ကိုယ့်ကိုယ်ကို ဒုက္ခပေးသလို ဖြစ်စေတယ်။
နေ့တိုင်း စိတ်ဓာတ်ရင့်ကျက်စေမယ့် စာတွေဖတ်ပါ။
စိတ်ချမ်းသာစေမယ့် အတွေးကောင်းတွေပဲ တွေးပါ။
ကိုယ့်မိသားစု၊ အပေါင်းအသင်းတွေအတွက် အချိန်ပေးပါ။
ကိုယ့်ကို အနေကြပ်စေမယ့် လူတွေကို ရှောင်ကြဉ်ပါ။
စိတ်ထဲ တင်းကြပ်လွန်းနေရင် အချစ်ဆုံး သူငယ်ချင်းကို ရင်ဖွင့်ပါ။
ဒါဆို ပျော်စရာကောင်းတဲ့ နေ့ရက်တွေပဲ မင်းဆီ ရောက်လာမှာပါ... :)
ကြယ်ကြွေချိန်
No comments:
Post a Comment