သူ့ကို သိပ်ချစ်တာပဲလား။ သူမရှိရင် မနေတတ်ဘူးလား။ သူ့ကို မျက်စိအောက်က အပျောက်မခံနိုင်ဘူးလား။
ဒါဆို ကိုယ့်ကိုယ်ကို ပြန်သုံးသပ်ကြည့်ပါ။ အဲ့ဒါ ချစ်တာမဟုတ်ဘူး။ တွယ်တာ တာ။
သူမရှိရင် ရင်ဘတ်ထဲမှာ ဟာတာတာကြီး။ သူ့ကို မတွေ့ရရင်ကိုပဲ စိတ်နဲ့ လူ မကပ်သလိုလို။ အလိုလိုနေရင်း သူ့အသံကို ကြားယောင်နေတယ်။ သူ့ပုံရိပ်ကိုပဲ မြင်ယောင်မိနေတယ်။ သူ့ဘေးနားမှာ ရှိနေရင် အရာရာ စိမ်းလန်းစိုပြေနေတယ်။ ပြည့်စုံနေတယ်ပေါ့။
သူနဲ့ နှစ်ယောက်တည်း အတူတူယှဉ်ပြီး လမ်းလျှောက်နေရတာကိုပဲ ကြည်နူးနေမိသလား။ Call List ထဲမှာ သူ့ဖုန်းနံပါတ်ပဲ အမြဲ ရိုက်ထည့်နေမိသလား။ အကြောင်းမရှိ အကြောင်းရှာ သူ့ဆီ Message တွေ ပို့နေမိသလား။ သူ့ဆီက Reply မလာမချင်း စောင့်နေမိသလား။ Message Inbox ထဲ သူ့နာမည်လေး ရောက်လာပြီဆို ဖတ်တောင် မဖတ်ရသေးဘူး၊ ပျော်နေမိသလား။ ဒါဆို ကိုယ့်ကိုယ်ကို ပြန်မေးကြည့်နော်။ အဲ့ဒါ ချစ်တာမဟုတ်ဘူး။ တဒင်္ဂ သာယာတာ။
ကျွန်တော့် သူငယ်ချင်း မိန်းကလေး တစ်ယောက် ပြောပြဖူးပါတယ်။ သူ့ချစ်သူက သူ့ကို အရမ်းချစ်တာပဲတဲ့။ ချစ်သူက မနက်တိုင်း သူ့အသံလေး မကြားရရင်ကို မနေနိုင် မထိုင်နိုင်တဲ့။ နေ့တိုင်း နှစ်ကိုယ်ကြား တီတီတာတာ စကားချိုချိုလေးတွေ မပြောရရင် မဖြစ်ဘူးတဲ့။ အဲ့လောက် အချစ်ကြီးကြတဲ့ ချစ်သူနှစ်ယောက် တစ်နေ့တော့ ပြတ်သွားကြရောတဲ့၊ သူငယ်ချင်းက ပြောပြပါတယ်။ အကြောင်းရင်းက ဒီလိုပါ။ ချစ်သူ မိန်းကလေး နိုင်ငံခြားမှာ ခြောက်လလောက် ပညာသွားသင်နေတုန်း ယောကျာ်းလေးက နောက်ချစ်သူတစ်ယောက် ထားလို့ပါ။
ဒီတော့ အဲ့လောက် ချစ်လှပါတယ်ဆိုတဲ့ ချစ်သူနှစ်ယောက် ဘာလို့ မခိုင်မြဲကြတာလဲ။ တစ်သက်တာ လက်တွဲသွားရမယ့်
“စိတ်ချင်းအဖော်” နှစ်ဦး ဒီခြောက်လဆိုတဲ့ အချိန်လေး အတွင်းမှာ ဒီလို သံယောဇဉ်ပြတ်တဲ့အထိ ဘာလို့ ဖြစ်သွားနိုင်ရတာလဲ။ ကျွန်တော် အပေါ်မှာ ပြောထားခဲ့တဲ့ အတိုင်းပဲ။ နှုတ်က ချစ်ပါတယ် လို့ ပြောရုံနဲ့ တကယ် နှစ်နှစ်ကာကာ မြတ်နိုးတာလို့ ကောက်ချက်ချလို့ မရပါဘူး။ ဒါဟာ တစ်ယောက် အပေါ် တစ်ယောက် တဒင်္ဂတာ သာယာနေမိရုံပဲ ရှိတာပါ။
ဒီပို့စ်ကို ရေးရတာ မည်သူ တစ်ဦးတစ်ယောက်ကိုမှ ထိခိုက်ပျက်ပြားစေလိုတဲ့ ရည်ရွယ်ချက်နဲ့မှ မဟုတ်ရပါဘူးလို့ ၀န်ခံပါရစေ။ ကျွန်တော်ကိုယ်တိုင်လည်း တစ်ခါဆို တစ်ခါမှ မချစ်ဘူးသေးတာ အမှန်ပါ။ (ဘ၀အကျိုးပေး ကုသိုလ်ကံ မကောင်းလို့ နှလုံးလမ်းကြောင်းမှာ ကျွန်းခံနေတယ်လို့ ဗေဒင်ဆရာကတော့ ပြောတာပဲ ဟီဟီဟီ)။ ကျွန်တော့် သူငယ်ချင်း share တဲ့ ပုံပြင်လေးကို ကိုးကားပြီး ဝေမျှတာပါ ခင်ဗျာ။
မေတ္တာစစ်နဲ့ ချစ်တတ်ကြပါစေ။
ကြယ်ကြွေချိန်
